FANDOM

1,940,370 Pages

StarIconGreen
LangIcon
Stadt im Niemandsland

This song is by Wolfgang Niedecken and appears on the album NiedeckenKoeln (2004).

Die Parkbänk sinn zem övverwintre
Einjelagert un wie 't sching
Passiert datselve
Für die nöchste Zick met mir
Hann mich schon lang dodrop jefreut
Ens widder Woozele ze schlaare
Nit, da'sch seßhaft weede wollt
Ich will mich opwärme bei dir
Ich hann mich römmjedrivve
Ich hann mich ömjeluhrt
Du bess hejeblevve - klar
Du bess he fessjemuhrt

Du bess die Stadt, die 'sch nit als Stadt sinn
Du bess Minsche, du bess Stelle
Die - uss irjendeinem Jrund -
Mir ahn et Hätz gewahße sinn
Du bess Jeseechter, junge, ahle
Lück, bess Zemmer, häss kein Strooße
Für mich sinn dat alles Strecke
Die 'ch erlevve sick ich Kind
Du häss mich ussjedraare
Du häss mich ussjespeut
Ich hann mich affjenabelt
Dat hann ich nie bereut

Stadt em Niemandsland vun Preußen
Off erbaut un off zerstört
Zweimohl dausend Johr möht heiße:
"Dann un wann dozojeliert"

Ahl Diva, egozentrisch
Eitel, komplimentesüchtig
Selvsverlieb, graad su
Als ob du't wirklich nüüdisch hätts
Met dingem Dom vun Kaisers Gnaden
Dinger Altstadt
Die du "tüchtig" ussverkauf häss
Treudoof läufste jedem Stenz en't off'ne Mäzz
Dat fingste och nach clever!
Du denks, dat möht mer jetz
Hühr zo: Dat jeht danevve
Su wie du dich affhetz

Stadt em Niemandsland vun Preußen
Off erbaut un off zerstört
Zweimohl dausend Johr möht heiße:
"Dann un wann dozojeliert"

Gläuv mir - ahl Mädche -
Ei'ntlich sollt dat Leed he saare
Da 'sch dich jähn hann
Dich un ding Pänz, jrooß un klein
Doch "... wenn ich ahn ming Heimat denke"
Rebelliert jet bei mir m' Maare
Wenn ich op Stromlinie afführ
Wöhr 'sch anderswo doheim!
Häss du dich opjejovve ...
Dat, wat ding Seel ussmöht?
Du häss dich schwer verhovve
Du lächels ärsch jequält

Stadt em Niemandsland vun Preußen
Off erbaut un off zerstört
Zweimohl dausend Johr möht heiße:
"Dann un wann dozojeliert"

Music by:

Klaus Heuser

Lyrics by:

Wolfgang Niedecken

Arrangement:

Mike Herting

Musicians:

WDR Big Band

Original:

BAP:Stadt Im Niemandsland

External links