FANDOM

1,940,076 Pages

StarIconGreen
LangIcon
Maat et joot

This song is by Wolfgang Niedecken and appears on the album Schlagzeiten (1987).

Maat et jood, maat et joot, maat et joot
Maat et jood, maat et joot, maat et joot

He, ihr Spinner met dämm Hanomag
Ich jööv jet drömm, hätt ich et bloss jesaat:
Dat ich jähn noch ens wie ihr wöhr.
Ich kenn ühr Name nit, hann nit jefrooch
'Sch weiß nit wieso, et looch nit ahn der Sprooch.
Wöhren et doch bloß die paar Johr Ungerschied!

Nä, do litt viel mieh dozwische
Jold'ne Platte maach 'ne schlääch Jewesse
Nä, verflucht, ich kokettier nit.
Wat ich natürlich och nie gläuve däät
'Sch däät denke, dat mich wer für blöd verkäuf.

In dä Naach en der ihr lauthals ahnkommt
Daach jeder he: "En Razzja - Oh Jott! -
Loss die Militärköpp jetz bloß nööchtern sinn!"
Doch uss dämm ussrangierte Grenzschutzwrack
Feelt ihr russ, par vun üch em Schlofsack
Völlig klar: "Das müde Haupt muss ir'ndwohin!"

Ahm nähxte Morje dann erstaunte Blecke
Graad su, als ob ich dä vum Mond jescheckte
Doppeljänger vun mir selvs wöhr.
Vun dämm Moment ahn wohr jet wie ne Graawe
Zweschen uns un dat woor maßlos schade.
Äh, maat et joot!

Maat et jood, maat et joot, maat et joot
Met ührem Hanomag
Dämm ussrangierte, weißlackierte Grenzschutzwrack
Maat et jood, maat et joot, maat et joot

Op dä ein Sick vun dämm Jraave ihr sechs
Op dä andre, wo ich immer noch setz
Einer dä'n en Zeitmaschien luhrt un sich sieht
Wie 'e domohls - nit nur he 'n dä Jäjend
Rastlos römmjeflippt ess, sich querläjend
Quer zo restlos allem wat vun ihm erwaat wood.

Ennedrinn ne Hunger en e Fieber
Weiß der Deufel, jedenfalls Verlierer
Voller Mitleid für all Sieger.
Jestern hann ich "Nä" jesaat
"Ich hann kein Jittar met", weil't nix jebraat hätt.
Äh, maat et joot!

Hück morje sitt ihr wigger, Richtung Syrien
Einfach teste, einfach selvs probiere
"Ob dä Köppke lühsch" un "wie se do drop sinn"
Für mich jeht et en paar Daach heimwärts
Erwartunge erfülle bess zom Excess
'T künnt sinn, dat ich och 'ne Hanomag besing.

Vörre ahm Kühler prang 'ne knochje Kohkopp
Övver 'm Nummerschild, wo schwazz "DO" drop.
Ich hoff, ich sinn üch ir'ndwo 'ns widder
Oder mindestens dat dat z'üch durchkütt
Un e Stöck vum Jraave doch noch zoschött.
Äh, maat et joot!

Maat et jood, maat et joot, maat et joot
Met ührem Hanomag
Dämm ussrangierte, weißlackierte Grenzschutzwrack
Maat et jood, maat et joot, maat et joot
Met ührem Hanomag
Dämm ussrangierte, weißlackierte Grenzschutzwrack
Maat et jood, maat et joot, maat et joot
Maat et jood, maat et joot, maat et joot
Maat et jood, maat et joot, maat et joot
Maat et jood, maat et joot, maat et joot

Music by:

Wolfgang Niedecken & Complizen

Lyrics by:

Wolfgang Niedecken

External links