FANDOM

1,927,491 Pages

StarIconGreen
LangIcon
​Hück ess sing Band en der Stadt

This song is by Wolfgang Niedecken and appears on the album NiedeckenKoeln (2004).

Mer sinn em März, vüür dausend Johr
Er ess me'm Jordan's Pitter un me'm Addi Altenberger do
Et ess noch fröh, noch nit ens vier
Do steht dä Tommy schon met drissisch Andre vüür der zoe Düür
Mann, et räänt un'e friert
Doch da's ejal, sulang mer Tön vun drinne hührt
Kennt jed Woot, jede Break
Sujar noh jedem Schlußakkord et eezte Riff vum nähxte Leed

Die Sporthall woor schon immer do
Jedenfalls länger als dä Trotzkopp met dä schulderlange Hoor
Er wor als Kind och schon ens drinn
Met singem Vatter hätt'e domohls Holiday on Ice jesinn
Un er weiß ei'ntlich nur noch wo er sooß:
En dä Reih unger dä Uhr. Doch für ihn
Ess die Buud hück jet wie Mekka für ne Moslem, wo mer hinpiljere muß
Sujet wie'ne Ozean für ne Fluß

Hück ess sing Band en der Stadt
Wo'e su lang drop jewaat
Hück ess sing Band en der Stadt
Vill zo schön, öm wohr zo sinn
Sie ess he un spillt für ihn
Nit em Fernsehen, nit op Plaat
Hück ess sing Band en der Stadt

Die Woche drop wie blöd jejobb
Die Jittar uss em Ahn- un Verkauf jing ihm nimieh uss em Kopp
Jeüb, bess dat die Finger wund
Monatelang, bess datte sämtliche Akkorde spille kunnt
Nur die Bühn noch em Sinn
Op der 'e dann noch jottweißwer hatte spille sinn
Un hück Naach ess 'e he
Et letzte Mohl met singer eijne Band
Noh dä janze Johre, et allerletzte Mohl
He, donoh ess he Schluß

Hück ess sing Band op dä Bühn
Op der er se all jesinn
He'n dä Hall woor'n se all drinn
Vill zo schön, öm wohr zo sinn
Sie es he un spillt für ihn
Nit em Fernsehn, nit op Plaat
Hück ess sing Band en der Stadt

Hück ess sing Band op dä Bühn
Op der er se all jesinn
He'n dä Hall woor'n se all drinn
Vill zo schön, öm wohr zo sinn
Sie es he un spillt für ihn
Nit em Fernsehn, nit op Plaat
Hück ess sing Band en der Stadt

Music by:

Klaus Heuser

Lyrics by:

Wolfgang Niedecken

Arrangement:

Mike Herting

Musicians:

WDR Big Band

Original:

BAP:Hück Ess Sing Band En Der Stadt