FANDOM

1,949,565 Pages

StarIconGreen
LangIcon
Für 'ne Fründ

This song is by Wolfgang Niedecken and appears on the album Schlagzeiten (1987).

Noch wohr 't daachhell
Die Hall wohr noch janz leer
'T stund eez die Bühn.
En Hockey-Hall, nur ohne Ihß
Em Sommer läuf do kaum jet drinn.
Boxe woote rinnjerollt
Leechmaste huhjedrieht.
Ich daach mer:
"Jung, jank noch jet russ
Noch beeste övverflüssig
Wie mer sieht".

Dat janze wohr 'n der Schweiz
Da 's jet, wat unbeding
He noch erwähnt sinn muss
E Wedder uss em Bilderbooch
Jing durch 'ne Wald
Kohm ahn 'ne Fluss.
Zum Kanal wohr dä bejraadigt.
He hatt wer ussjerechnet hoorjenau
Met welchem Tempo
Dä ze fleeße hatt;
Nur sing Wasser wohr
Noch schön gröön-blau.

Su jing ich dann en Zicklang
Ahn dä Zwitterkonstruktion entlang
En Jedanke janz woanders
Wo ich mich nit mieh
Draan erinnere kann
Bess ich ahn die Stell kohm
Wo mer enjemeißelt en 'ne Stein
Lese kunnt wie dat Dinge heeß
Do stund: Rhein.

Dat troof mich wie ne Hammer
Paar Momente stund ich fassungslos
"Dat darf doch wohl nit wohrsinn"
Daach ich
"Dat he ess doch nit däselve Fluss
Dä die Pilone vun der Südbröck
Fiebernd och ömspöhlt."
Un wie 'nem kranke Fründ
Hann ich dir donoh dann
Der Puls jeföhlt.

Träne en de Aure die uss Ohnmacht
Trauer, Wut, als dann vüür mir Revue
Passiert, wie off ich hilflos
Dich en dinger Nuht
Schon övverquert hann
Nit beachtet
Zwesche Bodensee un Rotterdam
Vatter Rhing em Koma.
Dä letzte Walzer ahm Kraterrand.

Ich daach draan
Wie 'sch als Kind en Ruudekirche
Langel un en Poll met dir
Jespillt hann und hann mich jefrooch
Wo minge Klein wohl ens met
Spille soll
Wie minge große Brooder
Sich verboddnerwies ahn
Schleppkähn hing
Wie leer die Poller Wiss
Hück och em Sommer ess
Un wie't en Langel
Noh Chemie jetz stink.

Wo litt dat bloß draan
Dat mer nur vun zwölf
Bess Meddach denke will
Wie e Karnickel vüür der
Schlang erstarrt
"Noh mir die Sintflut" säht un still
Me'm Kopp em Sand aafwaad
Als jööv et nix mieh
Wofür sich noch jet lohnt?

Vun unge weed Ihß dönner
Un wenn't jeschmolze ess
Blieht nix verschont.

Music by:

Wolfgang Niedecken & Complizen

Lyrics by:

Wolfgang Niedecken

External links