FANDOM

1,927,924 Pages

StarIconBronze
LangIcon
​Nur ne Draum

This song is by Tommy Engel and appears on the album Du bes Kölle (2007).

Hück morje beim Bäcker
Do jing et schon loss
Do hät e Brüdche 30 Euro jekoss
Beim Schuster flöck noch ming
Schoh avjehollt
Die woren met Limburjer Kies besollt

Drüvve dä Metzjer, wat soll ich üch sare
Dä wor sing Sau
Durch de Vringsstrooß am jahre
Un unse Pastur sohs em Severinskloster
Weil et su kalt wor mem Aasch om Toaster

En d'r Kirch sin drei Möhne
D'r Pastur am bedure
Dovür ston vier Buure
Belure andächtich de Muure
Denn do krüff e jäl Krokodil lans de Wäng
Em Feschjeschäff schwemmp
D'r Ralf em Basseng
Klätschnaß wod ich wach, un sin visavis
Ne Engel op zweierlei Fööss -
Ich drinke nix mih

Nur ne Draum, nur ne Draum
Ich wör fass kollabiert, wor total irritiert
Dat wor nur ne Draum, nur ne Draum
Jottseidank nix passiert, nä nä
Dat wor nur ne Draum

Et kütt noch besser -
Ich schloofe em Schnett
Aach Stunde pro Nach
Ävver dat nimp mich met
Ich hatt ens jedräump - dat dä Wäch
Durch de Vringsstroß blockiert -
Vun enem Kirchturm dä schräch
Op de Stroß hängk

Joot, ich ben albtraumjeschädich,
Dat määt mich nervös,
Ävver nit völlich dämlich
Am nächste morje - do wor et passeet
Dä Kirchtum jekipp -
Ich verklare dä Weet

Nur ne Draum, nur ne Draum
Ich wör fass kollabiert, wor total irritiert
Dat wor nur ne Draum, nur ne Draum
Jottseidank nix passiert, nä nä
Dat wor nur ne Draum

Us d'r Dachkall vun d'r Vringspootz
Dröp Milch un Schabau
Dozu danze se Tango
Die Junge vum U-Bahnbau
Dä Carpendale singk: "Ich kumme widder"
Beim Merzenich kritt ene
Wärme Berliner d'r Zidder

Dann es et suwick -
Un mich triff der Schlaach
Dä mich immer triff
Su koot noh Meddernaach
Minge Draum-Therapeut meint
Ich hätt en Phobie
Hätt mir super jeholfe -
Ich schloofe nit mih

Nur ne Draum, nur ne Draum
Ich wör fass kollabiert, wor total irritiert
Dat wor nur ne Draum, nur ne Draum
Jottseidank nix passiert, nä nä

Nur ne Draum, nur ne Draum
Ich wör fass kollabiert, wor total irritiert
Dat wor nur ne Draum, nur ne Draum
Jottseidank nix passiert, nä nä
Dat wor nur ne Draum

Music by:

Jürgen Fritz

Lyrics by:

Tommy Engel