FANDOM

1,949,368 Pages

StarIconGreen
LangIcon
Minge Vatter

This song is by Tommy Engel and appears on the album Du bes Kölle (2007).

Du wors Vatter vun ener jroße Famillich
Häs immer an uns jedach
Wor et Levve och nit immer bellich - Nä dür!
Do kann doch 'ne Vatter
Vun ener jroße Famillich nix für

Mi eets Schlagzeug häste mir jekauf
Beim Teipel am Freeseplatz
Op Rate für 850 Mark
En minger Lieblingsfärv perlmutt schwatz

Et eetste Auto krät ich vun dir
Ne Käfer ich weiß et jenau
Barzahlung 600 Mark
Nit en schwatz - nä - dä wor Jupiterjrau

Du wors Vatter vun ener jroße Famillich
Häs immer an uns jedach
Wor et Levve och nit immer bellich - Nä dür!
Do kann doch 'ne Vatter
Vun ener jroße Famillich nix für

Als kleine Jung han ich off
Ding Nöh jesook
Doch dozo brot m'r vell Jlöck
Wors met dinger Vier Botze ungerwäs
Häs Musik jemaat - dich verdröck

Doch en Urlaub fuhrs de met mir
En Weltreis han ich jedaach
Dobei jing et no Runkel an der Lahn
Do hammer em Zelt üvvernaach

Du wors Vatter vun ener jroße Famillich
Häs immer an uns jedach
Wor et Levve och nit immer bellich - Nä dür!
Do kann doch ene Vatter
Vun ener jroße Famillich nix für

Wenn du nit do wors
Hät de Mamm doheim de Stellung jehalde
Un du häs met d'r Musik
Zehn Pänz un de Lück ungerhalde

Du wors Vatter vun ener jroße Famillich
Häs immer an uns jedach
Wor et Levve och nit immer bellich - Nä dür!
Do kann doch ene Vatter
Vun ener jroße Famillich nix für

Du wors Vatter vun ener jroße Famillich
Wors du och miestens nit do
Wie kütt ene Vatter
An su en jroße Famillich?
Dat mät dir su leich keiner no!

Written by:

Tommy Engel

External links