FANDOM

1,928,477 Pages

StarIconGreen
LangIcon
​Hanna

This song is by Tommy Engel and appears on the Live album Weihnachtsengel (2006).

Dat es et Leed vum Hanna mem Henna en de Hoor
Un vum Franz dä '68 bei d'r APO wor
Se levven streng biologisch
Su ähnlich wie vör 5ooo Johr

Dä Franz dä trick em Jade et eijene Jemös
Hä deit et och nit spritze un mät de Schnecke nit nervös
Es sich d'r janzen Dach am jöcke
Un Hanna hät et Henna en de Hoor

Un jede morje en aller Herrjottsfröh
Versammele sich de Wanze op d'r Lamperie
D'r Franz dä deit se scheuche
Un Hanna hät et Henna en de Hoor

Die Pänz die han ihr Büdche op enem Baum am Biotop
Un fressen heimlich Brütche met Fleischwoosch drop
Denn miestens do jit et Tofu
Un Hanna hät et Henna en de Hoor

Die Glühwürmcher kreisen des Naaks däm Franz öm et Jeseech
Un et Hanna sät: "Och lur ens wie schön jetz hammer och noch Leech"

Manchmol do dunn däm Franz sing Krokantzähnchen wih
Hä sät: "Hanna d'r Hammer, ding Nelken die helfen m'r nit mih"

Och wenn dat Leed jetz am Eng es et hät ene deefere Senn
Kinder lieben Fleischwurst met Brütche dröm eröm
Dä Franz dä möt nom Zahnarzt
Un Hanna hät et Henna en de Hoor

Jo, jo et Hanna hät et Henna en de Hoor!!