FANDOM

1,928,235 Pages

StarIconBronze
LangIcon
​Dr Wecker

This song is by Mani Matter and appears on the album Betrachtige Über Nes Sändwitsch (1972) and on the live album Ir Ysebahn (1973).

Leider geit ir Nacht my Wecker
Immer füf Minute vor
Lütet mir drum jede Morge
Füf Minute z'früech i ds Ohr

Aber wen i nen am Abe
Füf Minute hinder tät
Wär i drum de bim i-ds-Bett-ga
Wider füf Minute z spät

Syg's am Abe, syg's am Morge
S'nimmt mer füf Minute Pfuus
Füf Minute sy nid vil, doch
Mit dr Zyt macht's öppis us

I zwölf Tag isch das e Stund
I drei Monet schon e Nacht
Won i wäg däm blöde Wecker
Schliesslech schloflos hätt verbracht

I ha Sorge wäg myr Gsundheit
Uswäglos isch d Situation
Zletscht han ig dr Wecker furtggäh
Sider weckt mi ds Telefon

Written by:

Mani Matter