FANDOM

1,941,401 Pages

StarIconBronze
CertIcon
LangIcon
Dr Sidi Abdel Assar Vo El Hama

This song is by Mani Matter and appears on the live album Ir Ysebahn (1973).

Original video
Dr Sidi Abdel Assar vo El Hama
Het mal am Morge früe no im Pijama
Ir Strass vor dr Moschee
Zwöi schöni Ouge gseh –
Das isch dr Afang worde vo sim Drama!

S isch d Tochter gsy vom Mohamed Mustafa
Dr Abdel Assar het nümm chönne schlafa
Bis är bim Mohamed
Um d Hand aghalte hed
Und gseit: "I biete hundertfüfzig Schaf a!"

Dr Mohamed het gantwortet: "Bi Allah!
Es fröit mi, dass my Tochter dir het gfalla
Doch wärt isch si, my Seel
Zwöhundertzwänzg Kamel
Und drunder chan i dir sen uf ke Fall la!"

Da het dr Abdel Assar gseit: "O Sidi!
Uf sone tüüre Handel gang i nid y!"
Isch furt, het gly druf scho
E billigeri gno
Wo nid so schön isch gsy, drfür e gschydi!

Doch wenn es Nacht wird über dr Sahara
Luegt är dr Mond am Himel häll und klar a
Und truuret hie und da
De schönen Ouge na
Und dänkt: "Hätt i doch früecher afa spara!"

Written by:

Mani Matter