FANDOM

1,927,887 Pages

StarIconBronze
CertIcon
LangIcon
​Dr Hansjakobli U Ds Babettli

This song is by Mani Matter and appears on the album I Han En Uhr Erfunde (1966) and on the live album Ir Ysebahn (1973).

Original video
Dr Hansjakobli u ds Babettli
Hei mit em Chuchitaburettli
Es Spili zäme gspilt zum Göisse –
»Hehe, Frou Meier« het das gheisse

Da isch zum Byspil zersch ds Babettli
Druf gchlätteret uf ds Taburettli
Und Hansjakobli, wo süsch zaagget
Isch tifig tifig drunder gschnaagget

Ganz lut het obehär ds Babettli
Jitz gstampfet uf das Taburettli
Bis dass dr Hansjakobli dopplet
So lut het undenufe topplet

Und grüeft: "Hehe, Frou Meier, machet
Doch nit so Krach!" – du hei si glachet
Und är isch obe gsy, äs unde
Und ds Spil het disewäg stattgfunde

Vowäge grad so i däm Spili
Wi z grächtem – Byspil git es vili –
Isch jede – daderfür wird gchrampfet –
Gärn dä, wo obenabe stampfet

Es isch nid jede wi ds Babettli
So harmlos uf sym Taburettli
Drum lueget, dass wi Hansjakobli
Gäng einen undenufe toppli

I wett fasch säge, d Welt wär freier
Wenn meh würd grüfet: "Hehe, Frou Meier!"

Written by:

Mani Matter