FANDOM

1,927,769 Pages

StarIconBronze
CertIcon
LangIcon
​Dällebach Kari

This song is by Mani Matter and appears on the album Betrachtige Über Nes Sändwitsch (1972) and on the album Ir Ysebahn (1973).  (also released as Ballade)

Original video
S'isch einisch Eine gsy
Dä het vo früech a drunder glitte
Das ihn die Andre geng usglachet hei
Am Aafang het er grännet
Het sech mit de andre gschtritte –
S'nützt nüt, das isch ja nume, was sy wei

Wenn's mänge druurig macht
Wo d'Lüt sech luschtig drüber mache
S'hets sälte eine luschtig gmacht wie dä
Är het sech gseit: "Nu guet
Wenn dir so gärn ab mir düet lache –
I will nech jetz e Grund zum Lache gä!"

Und är isch häregange und het afa Witze risse
Dass d'Lüt sech jetz hei d'Büüch vor Lache gha
Het Witze gmacht, wo chutzele und Witze gmacht, wo bisse
Und het ke Antwort ohni Antwort gla

Und i däm grosse Glächter, wo's het gä ab syne Witze
Isch ihn uszlache keim i Sinn meh cho
Da het är all die Lacher i däm Glächter in lo sitze –
Und het sech himmeltruurig s'Läbe gno!

Written by:

Mani Matter