FANDOM

1,927,482 Pages

StarIconGreen
LangIcon
​'O surdato 'nnammurato

This song is by Luciano Pavarotti.

Wikipedia sphere
Wikipedia has an article on
'O surdato 'nnammurato
Staje luntana da stu core,
a te volo cu 'o penziero:
niente voglio e niente spero
ca tenerte sempe a fianco a me!
Si' sicura 'e chist'ammore
comm'i' só' sicuro 'e te...

Oje vita, oje vita mia... bis
oje core 'e chistu core... bis
si' stata 'o primmo ammore ... bis
e 'o primmo e ll'ùltimo sarraje pe' me! (x2)

Quanta notte nun te veco,
nun te sento 'int'a sti bbracce,
nun te vaso chesta faccia,
nun t'astregno forte 'mbraccio a me?
Ma, scetánneme 'a sti suonne,
mme faje chiagnere pe' te...

Oje vita, oje vita mia...bis
oje core 'e chistu core...bis
si' stata 'o primmo ammore...bis
e 'o primmo e ll'ùltimo sarraje pe' me! (x2)

Scrive sempe e sta' cuntenta:
io nun pienzo che a te sola...
Nu penziero mme cunzola,
ca tu pienze sulamente a me...
'A cchiù bella 'e tutt' 'e bbelle,
nun è maje cchiù bella 'e te!

Oje vita, oje vita mia...bis
oje core 'e chistu core...bis
si' stata 'o primmo ammore...bis
e 'o primmo e ll'ùltimo sarraje pe' me! (x2)