FANDOM

1,927,788 Pages

StarIconGreen
LangIcon
​Leck Ens Am Arsch

This song is by L.S.E. and appears on the album Für Et Hätz Un Jäjen D'r Kopp (1992).

Dä Pitter hatt' e Dreirad
Un sing elektrische Ihsebahn
Hück fährt hä singe Manta
Met Zosatzbremsleuchte dran

Un ich hatt' immer janix
Drei mol Null es Null
Et jov nur Eiskunslaufnote
En d'r Schull

Leck ens am Asch:
Häs op d'r Fott jesesse
Un et Jeld verfresse
Do künns doch och ad lang
Su en wiesse Enbauköch han

Häts d'r besser bei Zigge
Jet op Sick jelaat
Un nit jede möde Mark
Noh dingem Weet jebraat

Dä Schmal dä hät et Abi
Om zweite Bildungswäch jemat
Hät dann singer Frau noch
Hochdeutsch beijebraat

Un ich ben noch immer janix
Immer noch en Null
Sare mir dat mät nix
Mache wat ich well

Leck ens am Asch:
Sujar Dinge kleine Broder
Hät et lang jeschaff
Hät d'r schönste Jade
En d'r Nohberschaff

Do häs en dingem Lääve
Doch zo nix jedauch
Häs einfach immer alles
En de Pief jerauch'

Kumm loss uns zwei doch noch jet lijje blieve
He es et su schön still
Et wed suwiesu vell ze vell jemat

M'r kann och wirklich üverdrieve
Alles jeit 'su schnell
Du möchs doch och janz jän noch jet lijje blieve, gell?

Et Anita bruch ad widder
En Janzheitstherapie
Däm Pitter deit ad widder
Singe Knubbel wih

Dä Schmal hät et an de Nerve
Sing Frau et ärme Dier
Se drinken jede Dach
'Ne Kaste Bier

Leck ens am Asch:
Dat es nit schläch
Wemmer sich winnich bewäch
Jo, du häs räch
Wie du dat alles 'su mäs

Dat deit esu jot
Do bes doch keine Idiot
Läch dich doch noch jet hin
Wat sin muß, dat muß sin

Written by:

Tommy Engel, Rolf Lammers, Arno Steffen