FANDOM

1,928,036 Pages

StarIconGreen
LangIcon
​Kniesbüggel

This song is by L.S.E. and appears on the album Aua (1996).

Als der Herrjott de Minsche ihr Sproche jov
Do reef hä se all met d'r Trööt
Un deef us singer Botzetäsch
Do holt hä ne Püngel met Wööt

Esu stunten se dann en d'r eetste Reih
Un freuten sich an dä Jeschenke
Für die Hingere do hat hä nix mih dobei
Die woren sich de Häls am verrenke

Wat ene Kniesbüggel - Kniesbüggel
Häs de och jet dobei für die letzte Reih?
Kniesbüggel - Kniesbüggel
Levven Jott wie kammer nur esu kniestich sin

Die Kölsche woren ärjerlich
Wollten och esu en eijene Sproch
Doch d'r Herrjott sat: Wat frocht ihr mich
Do kudder ze spät an für sich!

Wat ene Kniesbüggel - Kniesbüggel
Wie solle m'r nur bedde un denke an dich
Kniesbüggel - Kniesbüggel
En dinger Botz sitz ene Ijel en d'r Täsch

Ävver sare kunnten die Kölsche noch nix
Dröm knatschten se janz fürchterlich
Doch d'r Herrjott hat e Hätz un sat:
Jut - dann sprecht ihr zuers emal wie ich!

Wat ene Kniesbüggel - Kniesbüggel
Jetz hammer dat Leid dat uns keiner versteit
Kniesbüggel - Kniesbüggel
D'r Düvel dä hädden et jlatt besser verdeilt

Knies es alles wat klääv
Wat nötz ene Büggel wenn de nit läävs
Knies ze han es och miestens schläch
D'r deckste Büggel hät lang noch nit räch

Un esu hat et doch noch ne jode Zweck
Die Kniestichkeit vun däm Jeck
Su kütt et dat et dat Hochdeutsch jit
Un unsere jöttliche Dialekt

Wat ene Kniesbüggel - Kniesbüggel
Jetz hammer dat Leid dat uns keiner versteit
Kniesbüggel - Kniesbüggel
D'r Düvel dä hädden et jlatt besser verdeilt

Knies es alles wat klääv
Wat nötz ene Büggel wenn de nit läävs
Knies ze han es och miestens schläch
D'r deckste Büggel hät lang noch nit räch

Knies is wemmer dran klääv
Doch wä jän jet jit es wät dat hä lääv
Drum lur nit nur op dinge Büggel
Maach en och op söns jeit et d'r schläch
Schwatze Hals de Hoore jries
De Fingere deck voll fettem Knies
Knies en de Uhre - Knies op de Zäng
Büggel verlore alles am Eng

Written by:

Tommy Engel, Rolf Lammers, Arno Steffen