FANDOM

1,928,625 Pages

StarIconGreen
LangIcon
​Ich Ben Doof

This song is by L.S.E. and appears on the album Aua (1996).

Wat soll ich maache, wat soll ich dun
Ich setz d'r janzen Dach en d'r Bud eröm
Un ming Fründe die laachen mich us
Am leevste jing ich nur noch 'mem Schlofanzoch erus
Wat kann et schöneres jevve
Als op ener Bühn ze ston
Manch einer dät alles dofür jevve
Un op bläcke Fööss durch Kölle jon
Un esu verjeit all die Zick
Manchmol schriev m'r villeich ens ene Hit
Für en Karrier un e Reihehus
Dafür rieß ich mir kei Beinche mih us
Wat kann et schöneres jevve
Als bei dä Bekloppte ze sin
Manch einer hät schwer ze drare
Ävver dat köm m'r nie en d'r Senn
Ich ben doof - ich maach Musik

Fröher maate m'r Rock un och Blues
M'r hät d'r janzen Dach jeüb un wor ärm wie en Muus
Doch die Zigge sin jottseidank vorbei
Vun all dä Akkorde bruch m'r höchstens noch zwei
Wat kann et schöneres jevve
Als nevven de Schoh ze ston
Dat se einem och noch Jeld dafür jevve
Kann manch einer nit verston
Ich ben doof - ich maach Musik

Hä es doof - Jo wat solle m'r andres maache
Hä es doof - Jo wat soll ich andres dun
Hä es doof - Jo wat doot ihr dann erwade
Hä es doof - Mir lijjen nur fuul eröm
Hä es doof - Am leevste maach ich Musik
Do Re Mi Fa So La Dä Doof

Written by:

Arno Steffen