FANDOM

1,928,616 Pages

StarIconBronze
CertIcon
LangIcon
​De iesige Gesell

This song is by Knut Kiesewetter and appears on the album Niee Leeder vun mien Fresenhof (1986).

De Winter treckt all över't Land
He kummt vun Norden her
He hett en witte Mantel an
So as dat jümmer weer

He kummt nu mal um disse Tiet
Dor geiht nix gegenan
Maalt Fennen, Wald un Äcker witt
Blots mit sien blanke Hann'n

Sien Puust is kold, maakt allens stiev
Dat geiht dör't dickste Fell
He puust di döör bit op dat Lief
De iesige Gesell

Dat Water maakt he fast un blank
Dat driggt bald jedet Kind
Un hangt uk vun de Finsterbank
Und maakt de Schieven blind

Un wenn he sik mal schüddeln deiht
Denn fallt dat witt hendaal
Witt todeckt is dat Dack ut Reit
Een Mütz hett jede Pahl

De Kinner freut sik all op em
He bringt veel Spaaß för se
De oolen Lüüd könn em nich hebb'n
Mit Küll un all de Snee

Dat Gras, dat Kruut un all de Blööm
De slapen, wenn he kummt
De Blääd fulln lang al vun de Bööm
De Vageln sünd verstummt

Kannst du em lieden oder nich
Du smittst em doch nich rut
Schient em de Sünn warm in't Gesicht
Denn neiht he eenfach ut

Written by:

Knut Kiesewetter