FANDOM

1,935,277 Pages

StarIconGreen
LangIcon
​Weihnachtsmann

This song is by Köster & Hocker and appears on the album Frisch (2004).

Dä fünfte Daach em Dezember
Freddie es verdächtich kusch
Hätt däm Papa sing Socke
En wiesser Limo jedusch
Domet se nit stinke
Vür de Düür jestellt
Weil dä Nikolaus kütt hück Naach
Vum Himmelszelt

Onkel Max määt wie jedes Johr
Dä Hillije Mann
Kritt vum Papa ne Zehner
Dä hä joot jebruche kann
Un de Mamm hät sich extra
De Hoor jefärv
Spölwasserblond
Un die Färv es vererv
Un et Lisa dat Klein wor die janze Naach wach
Un hät ihr Leedche jeüb

Weihnachtsmann, Weihnachtsmann
Wo sin all die Jeschenke bloss her
Weihnachtsmann, luur mich ahn
Jibbet nähx Jahr vielleich noch wat mehr

Onkel Max hät dä Sack voll
Usem Preis-Paradies
En Kinderflex us Plastik
E Poppeküche-Servies
Un sing Auge sin Smog
Sing Brill op halver drei
Tünnes un Schääl
Made in Shanghai

Un de Mamm rüümp dä Disch aff
Während Papa noch käut
Onkel Max hät sich jrad
Ne Düschadäng enjebleut
Un dä Freddie dä häut
Sing neue Monster Popp
Ob dat Barbie vum Lisa
Immer nur drop
Un et Lisa dat spillt met dä Schluffe vum Papp
Un singk ihne dat Leedche vür

Weihnachtsmann, Weihnachtsmann
Wo sin all die Jeschenke bloss her
Weihnachtsmann, luur mich ahn
Jibbet nähx Jahr vielleich noch wat mehr

Music by:

Frank Hocker

Lyrics by:

Gerd Köster

External links