FANDOM

1,927,751 Pages

StarIconGreen
LangIcon
​Schmierpitzpitter

This song is by Köster & Hocker and appears on the album Final Verseucht (2001).

Ich stonn he om Daach
Met ener Wasser Pump-Gun
Voll met Hoostesaff
Dä kritt dä Schmierpitzpitter aff
Jlich kütt hä öm de Eck
Un dann jiddet vun ovve jet Sprit
Woröm nemp hä mich och nit
Op singem Kick Board met

Die janze Schmierpitz Famillich
Es suwiesu ordinär
Dat janze Veedel kennt singer Schwester
Ihre skalpierte Bär
Dä jrosse Brooder fährt ne Audi
Un hät jejelte Zäng
Un die Ahle han Jäjerschnitzel-Teller
An de Wäng

Wat hammer nit off zesamme em Hoff
Die Breuers jezänk
En Stinkbomb en dä Hausflur
Un dä Katz dä Stätz verrenk
Wie kammer dann nur die Schramme su stur
Verjesse un verrode
Woröm lööt mich dä Pitter nit
Met singem Kick Board boarde

Jeder weiss ich bin jefährlich
Wie ne Pokémon
Ävver vielleich hätt ich mir besser doch
E Paar Socke ahnjedonn
Weil dä Wind fauch feuch
Un et räänt wie jeck
Doch ich blieve he om Daach
Weil jlich kütt dä Pitter öm de Eck

Un die jeile Jeleheit
Pack ich beim Schopf
Un dä Himmel dä blubbert
Wie dat Meer vum Jim Knopf
Un wenn ich ens jross bin
Dann knebel ich die Ratt
Un dann stech ich singem Kick Board
Alle drei Reife platt

Wat hammer nit off zesamme em Hoff
Riss jekräje
Vun dä Schäfers Kraade
Un keiner woss wäswäje
Wie kammer dann nur die Schramme su stur
Verjesse un verrode
Woröm lööt mich dä Pitter nit
Met singem Kick Board boarde

Jo ich stonn he om Daach
Met ener Wasser Pump-Gun
Voll met Hoostesaff
Dä kritt dä Schmierpitzpitter aff
Jlich kütt hä öm de Eck
Un dann jiddet vun ovve jet Sprit
Woröm nemp hä mich och nit
Op singem Kick Board met

Music by:

Frank Hocker

Lyrics by:

Gerd Köster