FANDOM

1,928,627 Pages

StarIconGreen
LangIcon
​Leech Em Keller

This song is by Köster & Hocker and appears on the album Final Verseucht (2001).

Dä Mond kütt immer nöher
Du kanns die Cola Dose sinn
Dä Sonnesching es wie ne Laser
Kind kumm bloss schnell erin
Kouf mir noch ne Panzer aff
Denk an die Dividend
Kein Angks kleine Mann
Sulang et Leech em Keller brennt

Dä Pastur hält sing Andaach
Nur noch met nem Megaphon
Wä uns nit vun sich us enlöödt
Riskiert humane Invasion
Fussisch Roulett us Russland ahnjeschwemmp
Kein Angks Mädche
Sulang et Leech em Keller brennt

Dope blieht verbodde
Un singe Preis konstant
Domet dä Reibach schön jedeit
Staat un Kartelle Hand en Hand
Für 2 Gramm en d'r Bau
Für'n Million en't Parlament
Kein Angks sulang et Leech
Em Folterkeller brennt

Dä Präsident es op Tournee
Un hä bütz en Bäuerin
First Lady hät vür lauter Laster
Nur noch Benefiz em sinn
Blaue Helme bütze bahl
Dä janze Kontinent
Kein Angks kleine Mann
Sulang et Leech em Keller brennt

Junge Kamerade
Fiere en fremdenfreie Stadt
Ich schwör dir wenn dat Linke wöre
Stünd de Nato op d'r Matt
Dä letzte Zwangsarbeiter
Kritt vum Papst dä Jnadencent
Kein Angks kleine Mann
Sulang et Leech em Keller brennt

Music by:

Frank Hocker

Lyrics by:

Gerd Köster