FANDOM

1,928,375 Pages

StarIconGreen
LangIcon
​Dei Dei De Dei

This song is by Köster & Hocker and appears on the album Kumm Jangk (2014).

Jevv eine us ich Verzäll d'r en Story
Ne koote dobei ein die du noch nit kenns
Ich ben bekömmlich wie Kottlett met Porree
Nenn mer en Strooß un ich nenn der'n Kaschämm
Ich weiß jenau op welche Toilette
Mer Häng un och Jeld jewäsche kritt
Ich weiß wä de Chefs sin un wä Marionette
Un op welchem Rücksitz ne Ehering litt

Dei Dei De Dei kumm lo'mer jet singe
'T jeit alles zum Deuvel wenn keiner jet käuf
Dei Dei De Dei jo mer muß Opfer bränge
Et weed schön jedrunke bes de Weetschaff widder läuf

Ich weiß et jitt Saache die ka'mer nit verzälle
Dat es e Jesetz do halt ich mich dran
Ne joode Hungk muß nit dauernd belle
Et jitt Saache die jonn wirklich keiner jet ahn
Zum Beispill dat Lis däm Neres sing Jüngste
Dat hät affjedrivve letz Johr em Aujus
Dä Blaach wor vum Ahmed dä hät doch op Pingste
Och ding Doochter schon - wie dat häsde nit jewoß

Dei Dei De Dei kumm lo'mer jet singe
'T jeit allles zum Deuvel wenn keiner jet käuf
Dei Dei De Dei jo mer muß Opfer bränge
Et weed schön jedrunke bes de Weetschaff widder läuf

Jetz ens jet anderes hey Jung du kenns mich
Ich ben immer jrad un für Frönde koräck
Du'mer zwei Blaue et es jrad jet brenzlich
Ich schwöre du kriss se met Zinse zoröck

Dei Dei De Dei kumm lo'mer jet singe
'T jeit alles zum Deuvel wenn keiner jet käuf
Dei Dei De Dei jo mer muß Opfer bränge
Et weed schön jedrunke bes de Weetschaff widder läuf

Music by:

Frank Hocker

Lyrics by:

Gerd Köster