FANDOM

1,940,366 Pages

StarIconGreen
LangIcon
Müssjöh, Kathedrahle?

This song is by Jürgen Zeltinger and appears on the album Solo Plaat (1992).

Von der Litlass-Säul raff luhrt 'e zo:
Marlon Brando - dat wohr sing Idol
Als 'e om Damerad ohne Schutzblech
Zwei'rlei Kneeströmp un Hoor schwazz wie Pech
Op dä Eck, wo die Welt ahnfinq, stund
Un uns Pänz jottweiswat vüürjestrunz
Su wie nur Schäfer's Hänsje dat kunnt

Singe ahle Hehr wöhr Kapitän
"Rio, Sansibar", jläuvte mir 'm jähn
Ihm, dä sämtliche Waare ahnheelt
Die kei deutsch Kfz-Nummerschild
Die als Tommie un Franzmann erkannt
Amerikaner halt uss enem Land
Dat dä Ahl "öm e Hoor övverrannt"

"Wie wöhr et Müssjöh, Kathedrahle?
Ich fahr vüür, un du deiß bezahle
Ich zeich dir, wo der Dom steht
Weil allein fings du dat nie!
Wulle-wuh mir nohfahre?
Müssjöh sill-wuh-pläy!"

Hann dä Vatter vum Hans nie jesinn
Usser eimohl om Foto - stemp!
Op dä pechschwazze Hoor en Schirmmötz
Öm dä Hals hing et ihserne Krüzz
Un dat Foto wohr öhntlich jeramp
Bovve schrääsch woor'e schwazz Trauerband
Dä sooch staaz uss, dä Vatter vum Hans

"Wie wöhr et Müssjöh, Kathedrahle?
Ich fahr vüür, un du deiß bezahle
Ich zeich dir, wo der Dom steht
Weil allein fings du dat nie!
Wulle-wuh mir nohfahre?
Müssjöh sill-wuh-pläy!"

Wo mer domohls de Stroß raffjeluhrt
Steht en einbeinje Marlboro-Uhr
Un vum Brando do fählt jede Spur

Trömmre, wo mir als Pänz drinn jespillt
Sinn met Neubaute längs opjefüllt
Richtung Dom zeich enzwesche e Schild

"Wie wöhr et Müssjöh, Kathedrahle?
Ich fahr vüür, un du deiß bezahle
Ich zeich dir, wo der Dom steht
Weil allein fings du dat nie!
Wulle-wuh mir nohfahre?
Müssjöh sill-wuh-pläy!"

Written by:

Wolfgang Niedecken

External links