FANDOM

1,941,314 Pages

StarIconGreen
LangIcon
Wahnsinnig Weede

This song is by Gerd Köster and appears on the Live album Der Tanz um den heiligen Bim Bam (1995).

Nä wat wor dat schön
Om Jebootsdaachsfess vum Franz
Selvs uns Käätzemöhn
Hät puddelrüh om Disch jedanz
Stekum kohm de Blöh
Säät: Ruhe oder Einzelhaft
Ahnjeroofe wör
Vun einem us d'r Nohbarschaff

Longerich bes Bayendaal
Blötschköpp jidddet övverall
Se luure usem Finster
Un jönne keinem jet
Höhenhaus bes Habbelrath
Em eijene Saff ze heiss jebad
Wäje däm solle mir all fröh en't Bett

Do künnt ich wahnsinnig weede
Jedesmol wahnsinnig weede
Et es jo falsch doch jedenfalls
Krijjen ich ne dicke Hals
Do künnt ich wahnsinnig weede
Jedesmol wahnsinnig weede
Krareknopp auf Widersehn Puls 210

Nä wat wor dat stark
Ich daach ich wör em Paradies
Met däm Lis em Park
Noh dä Party op d'r Wies
Stekum kohm de Jääsch
Säät: Hat ihr dann doheim kei Bett
Ihr litt he em Wääch
Dreckspack maat üch bloss he weg

Longerich bes Bayendaal
Blötschköpp jiddet övverall
Sinn em Finster fessjewaasse
Jönne keinem jet
Höhenhaus bes Habbelrath
Em eijene Saff ze heiss jebad
Wäje däm sollich Hück fröh en't Bett

Do künnt ich wahnsinnig weede
Jedesmol wahnsinnig weede
Et es jo falsch doch jedenfalls
Krijjen ich ne dicke Hals
Un zwar vum wahnsinnig weede
Vum immer wieder wahnsinnig weede
Krareknopp auf Wiedersehn Puls 210

Sinnersdorf bes Süd-Ost Poll
Alles kusch wäje einem Doll
Wäje einem Schwerverdrüschte
Fleejen he kein Köh
Botz Botz Widderbotz
Lebenszeit wird ausjenutzt
Saach däm Doof et jing bes morje fröh

Soll hä doch wahnsinnig weede
Vollkommen wahnsinnig weede
Hätzattack Verstand steht still
Nebel op d'r Brill
Hä es am wahnsinnig weede
Richtich lecker wahnsinnig am weede
Wenn niddens mieh de Blöh ihm hilf
Puls 211

Do lossen doch wahnsinnig weede
Em Finster wahnsinnig weede
Dä Finsterpützer em April
Dä putz ihm dann de Brill

Written by:

Frank Hocker, Gerd Köster