FANDOM

1,947,487 Pages

StarIconGreen
LangIcon
Tüüfusbrogg

This song is by Fräkmündt and appears on the album Urbärglieder (2010).

Wöuds Wasser rast met Donnerklng
Zwüschen ängem Föus es Tau
Het töif e Stei sech gschnette

Öber ä schmale Lattesteig
SChwendlig höch a Chette ghänkt
Chömed do d'Säumer gschrette

Ond hend be dere Wanderig
Vöu Todesängscht uusglette
Ond hend be dere Wanderig
Vöu Todesängscht uusglette

Es esch so selends gföhrlech do
Ke Maa cha näbem andre steh
Be somne schmaale Stääg

Es müesst doch eine ome sii
Wo sorge chönnt met synem Gschreck
För ne guete breite Wäg

E Brogg müesst eine boue
Ond wenns de Tüüfu wär!
E Brogg müesst eine boue
Ond wenns de Tüüfu wär!

Do plötzlech stoht es Urviech
Zottlig gross em Schwefurauch
Met Horn ond Geissefuess

Luegt scharf die bleiche Säumer aa
Gfroore stiif vor tüüfem Schreck
hebt d'Tatze he zom Gruess

Ech ha vernoh dass eine do
E Brögg heboue muess
Ech ha vernoh dass eine do
E Brögg heboue muess

Do fasst de einti Säumer muet
Ond frogt dä ös de Höllgluet
Was müesse me daför loh?

Ech wott för mine edle Dienscht
Er guete Urner Handuslüüt
Ned Goud no Söuber haa

D'Seel vom erschte wotti frässe
Was of de Brogg chond z'stoh!
D'Seel vom erschte wotti frässe
Was of de Brogg chond z'stoh!

D'Hand get druuf de Urnermaa
Magsch du dini Seel nur haa
Sobald die Brogg do stoht!

Do lacht de hornig gruusig uus
D'Brogg esch hout es gseh se det-
Wär dör de Näbu goht

Ond itzig säg mer Säumer
Wär sech frässe loht!
Ond itzig säg mer Säumer
Wär sech frässe loht!

Wörklech hender dene Näbu
Hed of eis wie vo Geisterhand
E stouzi Brogg uufgragt

Aber kene vo de Säumer
Hed sech zom ghörnte Brüeder
Of die ander Siite gwagt

Hend anstatt sech lo frässe
A Geissbock dröbergjagt
Hend anstatt sech lo frässe
A Geissbock dröbergjagt

Do schreit de Seesefrässer
Riist a riise Stei e d'Luft
Ond wott die Brogg verschloh

Doch flügt der Föis wiit draa vorby
De Geissbock hed de Ghörnt umgrüert
Wott sech ned frässe loh

De Schweflig triibt em chaute Floss
Ond muess die Brugg loh stoh
De Schweflig triibt em chaute Floss
Ond muess die Brugg loh stoh

No hött ly de Tüüfusstei
Vierhundert Fuess no woner gheit
I Göschene em Tal

Die aut Brogg hed me zerstört
Dem Chrieg vo Franke gäge Rosse
Wo s'gstorbe send en Qual

Ond de Tüüfu e de Schlocht
Hed grenset by sym Mahl
Ond de Tüüfu e de Schlocht
Hed grenset by sym Mahl

External links