FANDOM

1,928,132 Pages

StarIconGreen
LangIcon
​Venus

This song is by Coenie De Villiers and appears on the album Solo (1997).

Ek weet nie wat dit is nie
maar daar's tog iets wat my pla
in die wyse waarop sy
amper perfek haar bates dra
op die oog af kan ek werklikwaar
geen foute by haar vind nie:
maar skoonheid het die neiging
om mens lelik te verblind
- my Venus

Ek dink dit is die sterre
in haar oë wat my pla
die wyse waarop sy
byna konstant 'n glinster dra;
Op die oog af lyk sy vriendelik
en self ook liefdevol
maar somtyds wil dit lyk
of daar 'n kilheid in haar stol
- my Venus

(koor)
Deur haar mooi getooide venster nooi sy my
om 'n porsie van haar vreugde te kom kry
en dan moet ek met mening teen haar stry:
my Venus

Daar's iets in daardie glimlag
wat my sinne erg versteur
haar lippe is te duidelik
te perfek en rooi grimeer
Ek wens ek kon my vinger
sonder twyfel daarop lê
ja, ek wens ek het geweet
wat sy eintelik graag wil hê
- my Venus

(koor)

Daar's iets omtrent haar wese
wat beslis net nie will klop nie;
'n ongemak en houding
wat 'n mens maar nie kan fop nie
Wat kyk, want kyk:
Sy's 'n winkelvensterpop
(my Venus ...)