FANDOM

1,941,323 Pages

StarIconGreen
LangIcon
Rentner

This song is by Bläck Fööss and appears on the album Nix Es Ömesöns (1991).

Morjens öm 6, weil hä nit anders kann
Weed hä wach, weil hä 50 Johr lang
Dach für Dach öm die Zick opston moot
Weil hä suwiesu nit mih schlofe kann
Treck hä sich an un mäht et Fröhstöck fädich
Weck sing Frau un setz sich an d'r Desch

Hä es jetz Rentner, kann maache, wat hä will
Op eimol, do hat hä Zick für sich ze vill
Hä es jetz Rentner un et hät jo och
E Lääve lang jedort
Un noh all däam, wat hä metjemaat hat
Jeit et im jetzjot

Dann jeit hä jet mem Hüngche 'rus
Weil hä sich jo jet bewäje muß
Un läuf janz automatisch singe Wäch
Hä lort wie immer janz zofällich
En sing ahle Firma ren
Doch he läuf alles wigger och ohne ihn

Hä es jetz Rentner, kann maache, wat hä will
Op eimol, do hat hä Zick für sich ze vill
Hä es jetz Rentner un et hät jo och
E Lääve lang jedort
Un noh all däam, wat hä metjemaat hat
Jeit et im jetzjot

Zwei Flasche Bier ston ovends om Desch
D'r Fernseher läuf un drenne en d'r Köch
Spölt sing Frau un büjelt noch de Wäsch
Hä jeit nohm Bett, dann irjendwann
Litt hä noch wach e paar Stunde lang
Weil hä de letzte Zick schläch schlofe kann

Hä es jetz Rentner, kann maache, wat hä will
Op eimol, do hat hä Zick für sich ze vill
Hä es jetz Rentner un et hät jo och
E Lääve lang jedort
Un noh all däam, wat hä metjemaat hat
Jeit et im jetzjot

Written by:

Reiner Hömig

External links