FANDOM

1,947,353 Pages

StarIconGreen
LangIcon
Lange Samstag En D'r City

This song is by Bläck Fööss and appears on the album Et Es 20 Johr Jenau Jetz Her (1990).

Lange Samstag en d'r City
Pap un Mam die jon mem Titti
Tata Teita durch de Stadt
Weil et Jeld jejeben hat
Lange Samstag en d'r City
Laut am blöke es et Titti
Et well noch en Currywoosch
Joh un et hät och jroßen Doosch

En d'r Stadt es Remmi Demmi
Alle Parkhüser sin voll
Üvverall nur Minschemasse
Un die kaufen hück wie doll
Ne kleine Panz dä es am kriesche
De Frau Schmitz sök ihr Marieche
Stauung an d'r Frittebud
Denn Fritte schmecken immer jot

Lange Samstag en d'r City
Pap un Mam die jon mem Titti
Tata Teita durch de Stadt
Weil et Jeld jejeben hat
Am Samstag en d'r City
Laut am blöke es et Titti
Et well noch en Currywoosch
Joh un et hät och jroßen Doosch

Titti well e Püppche habe
"Froch d'r Pap" sät drop de Mam
Doch dä dät dat üvverhüre
Titti fängk zo brölle an
Öm vier Uhr jon se Kaffee drinke
Titti es ad leich am stinke
Och de Mam, die kann nit mieh
D'r Pap dä zällt sing letzte Flüh

Am lange Samstag en d'r City
Pap un Mam die jon mem Titti
Tata Teita durch de Stadt
Nur weil et Jeld jejeben hat
Am lange Samstag en d'r City
Fass am schlofe es et Titti
Doch noch em Draum sät et janz leis:
Titti will Vanille-Eis

Music by:

Hans R. Knipp, Hartmut Priess

Lyrics by:

Hans R. Knipp