FANDOM

1,928,234 Pages

StarIconGreen
LangIcon
​Kölsche Bröck

This song is by Bläck Fööss and appears on the album Et Es 20 Johr Jenau Jetz Her (1990).

Ich ston schon en lange Zick
Immer an d'r selve Stell
Eimol loch ich em Wasser dren
Do wor et endlich ens still
Ming Knoche wullten allt lang nit mieh
Doch m'r braat mich widder en de Hüh

Ich ben en kölsche Bröck
Üvver die halv Kölle jöck
Ich hald' minge Puckel hin
Für üch he am Rhing

D'r Rhing dä spölt mer ming Fööss schön blank
Sulang ich mich erinnere kann
Die Scheffe kitzele mer hösch d'r Buch
Domet ich jet ze laache han
Off jenoch deit mer d'r Rögge wieh
Un des ovends do kann ich nit mieh

Ich ben en kölsche Bröck
Üvver die halv Kölle jöck
Ich hald' minge Puckel hin
Für üch he am Rhing

Un wenn dann em Fröhjohr
Et Wasser öntlich steich
Dann denk ich bei mir "Do leeve Jott
Jetz krij' ich och noch en naaße Fott"

Ich ben en kölsche Bröck
Üvver die halv Kölle jöck
Ich hald' minge Puckel hin
Für üch he am Rhing

Manchmol weed m'r dat all ze vill
Doch wä kann schon su wie hä will

Ich ben en kölsche Bröck
Üvver die halv Kölle jöck
Ich hald' minge Puckel hin
Für üch he am Rhing

Joh, ich ben en kölsche Bröck
Üvver die halv Kölle jöck
Ich hald' minge Puckel hin
Für üch he am Rhing

Written by:

Ernst Josef "Erry" Stoklosa, Hans R. Knipp