Fandom

LyricWiki

أم كلثوم:فات الميعاد Lyrics

1,870,025pages on
this wiki
Add New Page
Talk0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

StarIconGreen
LangIcon
فات الميعاد

This song is by أم كلثوم.

فات الميعاد وبقينا بعاد
والنار بقت دخان ورماد

تفيد بإيه يا ندم؟
وتعمل إيه يا عتاب؟
طالت ليالي الألم واتفرقوا الأحباب

وكفاية بقى تعذيب وشقا
ودموع في فراق ودموع في لقا
تعتب عليا ليه؟
أنا بإيديا إيه؟
فات الميعاد

ياما كنت اتمنى أقابلك بابتسامة
أو بنظرة حب أو كلمة ملامة
بس أنا نسيت الابتسام
زي ما نسيت الآلام
والزمن .. بينّسي فرح وحزن ياما
إن كان على الحب القديم
إن كان على الجرح الأليم
ستاير النسيان
نزلت بقالها زمان
وإن كان على الحب القديم وقساه
أنا نسيته أنا
ياريت كمان تنساه

تفيد بإيه يا ندم؟
وتعمل إيه يا عتاب؟
طالت ليالي الألم واتفرقوا الأحباب

وكفاية بقى تعذيب وشقا
ودموع في فراق ودموع في لقا
تعتب عليا ليه؟
أنا بإيديا إيه؟
فات الميعاد

الليل ...
ودقة الساعات تصحي الليل
وحرقة الآهات في عز الليل
وقسوة التنهيد والوحدة والتسهيد
لسه ما همش بعيد
وعايزنا نرجع زي زمان
قول للزمان ارجع يا زمان
وهات لي قلب لا داب ولا حب
ولا انجرح ولا شاف حرمان

تفيد بإيه يا ندم؟
وتعمل إيه يا عتاب؟
طالت ليالي الألم واتفرقوا الأحباب

وكفاية بقى تعذيب وشقا
ودموع في فراق ودموع في لقا
تعتب عليا ليه؟
أنا بإيديا إيه؟
فات الميعاد

من ناري من طول لياليا
وفرحة العُذال فيا
من قسوتك وانت حبيبي
وقسوة الدنيا عليا
بيني وبينك هجر وغدر
وجرح ف قلبي داريته
بيني وبينك ليل وفراق
وطريق انت اللي بديته

تفيد بإيه يا ندم؟
وتعمل إيه يا عتاب؟
طالت ليالي الألم واتفرقوا الأحباب

وكفاية بقى تعذيب وشقا
ودموع في فراق ودموع في لقا
تعتب عليا ليه؟
أنا بإيديا إيه؟
فات الميعاد

Also on Fandom

Random Wiki