Wikia

LyricWiki

Toni Vescoli:Em Friede Z'lieb Lyrics

Talk0
1,837,782pages on
this wiki
Toni Vescoli
StarIconGreen
This song is performed by Toni Vescoli and appears on the album Vescoli & Co. - Nr. 1 (1989).
Na nöd lang her, isch eine g’landet
Er chömi vome fremde Schtern
Er seigi nöd per Zufall g’landet
Er seigi uf em Wäg nach Bern

’Seig em Friede z’lieb, eusem Friede z’lieb
Dänn für de Friede müess mer g’rüschtet sy
Doch em Friede z’lieb, eusem Friede z’lieb
Das müessti halt e grosses Opfer sy
Friede chönn nur ohni Rüschtig sy

D’ Amerikaner wänd nüüt g’hööre
Au bi de Russe häsch kei Brot
D’ Franzose lönd d’ Versüech nöd stööre
Und au in China, da gseht mer nur na root

Jetzt well er’s z’letscht bi eus probiere
Dänn euses Land heig Tradition
Sin Vorschlag gäb nöd vill z’schtudiere
Er tuuschi Friede gäge Munition

’S wär em Friede z’lieb, eusem Friede z’lieb
Chönnti das ächt nöd e Löösig sy
Dänn em Friede z’lieb, eusem Friede z’lieb
Da sött eim doch keis Opfer z’choschtbar sy
Friede chan nöd ohni Opfer sy

Ich han en geschter namal troffe
Es seig na früeh na nöd so wyt
Sin Vorschlag blybi aber offe
Doch de wahri Friede, de näm er wieder mit

’Seig em Friede z’lieb, eusem Friede z’lieb
Dänn für de Friede müess mer g’rüschtet sy
Doch em Friede z’lieb, eusem Friede z’lieb
Schynt das na e z’grosses Opfer z’sy
Mir chönd nanig ohni Rüschtig sy

Music by:

Toni Vescoli

Lyrics by:

Toni Vescoli

Around Wikia's network

Random Wiki