Nun lu sapiti l’amuri ca v’haju
nun lu sapiti quantu vi disiu
nun lu sapiti comu chianciu e staju
quannu ca p’un mumentu nun vi viju.

Dintra di l’arma mia na vampa cci haju
e lu me cori è vostru e no lu miu
si moru mParaddisu nun ci vaju
pirchì p’amari a vuj nun penzu a Diu.

E vui sapennu st’amuri e sti peni
mi lassati muriri comu un cani
ma oggi siddu ccè cu vi tratteni
speru di cunvincirivi dumani.

Cchiù nun m’amati e cchiù vi vogliu beni
cchiù tempu passa e mannu cristiani
nun mi lassati amuri ntra sti peni
pirchì siti pi mia l’acqua e lu pani.

Non lo sapete l’amore che ho per voi
non lo sapete quanto vi desidero
non lo sapete come piango e come sto
quando per un momento non vi vedo.

Dentro l’anima mia una vampa ho
ed il mio cuore è vostro e non più mio
se muoio in Paradiso non ci vado
perché per amare voi non penso a Dio.

E voi sapendo quest’amore e queste pene
mi lasciate morire come un cane
ma se oggi c’è chi vi trattiene
spero di convincervi domani.

Più non mi amate e più vi voglio bene
più tempo passa e più ve lo farò sapere
non mi lasciate amore in queste pene
perché siete per me l’acqua e il pane.