Se torna fosco o zielo, en o sur d'a ziudat
Prenzipian á sentirsen as sirenas
S'ascuitan esclatadas en todas as carreras
Bombas ozidentals contra l'azoque.

As mans en os oídos y o zeño de miedo,
Mullers que eslampan como si fuesen güembras,
Os niños amagaus dezaga de as puertas,
I son chilando y maldezindo a guerra.

Mentiras que asasinan,
Mentiras d'esferra masiba y dolor,
Bendezidas por Dios.

En Washington D.F. biben os matarifes,
Ixos, os que torturan en Guantánamo.
A suya democrazia marcada de sangre,
Ye a fautoría de tarabidar muertes.

Denzima d'as zenizas de l'once de setiembre,
A poblazión zebil embrabeze
Aduyada por os boziadors d'os meyos:
O miedo dentra en os U.S.A.

Barras y estrelas brilan en todas as pantallas
O capitoste americano s'arrigue.
Asasino legal que nunca ba á prebar
A suya propia pena de muerte.